تكات المحشي

بسم الله الرحمن الرحيم

تكات المحاشي

المكونات

خضرة المحشي (شبت * بقدونس*كرفس*نعناع*كزبرة)يكونوا بالتساوى و يقطعوا قطع صغيرة

1 كيلو ارز ( نغسله جيدا و يصفي )

3كيلو طماطم عصير

نصف كيلو بصل مفروم

2 قرن فلفل كبي ( حار)قطع صغيرة

5 فصوص ثوم مفرومين

كوب  زيت

بهارات المحشي (معلقه صغيرة ثوم بودر*معلقه صغيرة بصل بودر*نصف معلقه صغيرة جوز الطيب*معقله صغيرة فلفل اسود*معلقه صغيرة قرفه* 2 معلقه كبيرة ملح*معلقه صغيرة بابريكا)

الطريقه

نضع حله علي النار بها زيت ثم نضع البصل حتي يدبل و يغير لونه الي الدهبي الفاتح ثم نضع الفلفل و البهارات و نقلب جيدا ثم نضع 2 كيلو طماطم فقط و عندما تغلي و قربت  تتسبك نضع الخضرة و عندما تتسبك نطفي النار و نضع الارز و الثوم و نقلبهم جيدا و بهكذا يكون الارز جاهز لاي محشي.

و حاليا باقي معانا كيلو عصير طماطم و دة حنغليه و نضع عليه معلقه صغيرة ملح و نسقي بيه المحشي ليستوى بيه ليكون لونه احمر و بعد ما المحشي يتشربه نضعه علي نار  صغيرة ليكمل باقي سواه.

تكات المحاشي

ان تحمري الكوسه و البدنجان  في زيت قبل حشواها.

ان تسلقي ورق العنب 3/4 سلقه و لا تضعيه في ماء بارد بعد السلق و بعد الحشو تضعي شرائح لمون علي وجه في الحله.

الفلفل بعد الحشو تضعي شريحه لمون علي وجه كل فلفله.

نحشي المنبار و نساويه  و بعد كل نصف سم نلف الخيط حوالين المنبار و نربطه جيدا ليكون مقاساته متساويه و بعد سليقه جيدا نقص الخيط.

الكرنب يتسلق ثم يتقطع .

و علشان طعمه يطلع حلو لازم نسقيه بعصير الطماطم الخفيف زى ما قولنا قبل كدة.